#

पूर्वप्रधानमन्त्री केपी शर्मा ओलीले भारतीय राजदुत रञ्जित रेलाई आन्तरिक मामिलामा अनावश्यक दख्खल नदिन भन्दै सचेत गराएपछि भरतीय मिडियामा हेडलाइन समाचार बनेका छन् ।

भारतका प्रमुख समाचार माध्यमहरुले नै ओलीको चेतावनीलाई हेडलाइन समाचार बनाएका हुन् । भारतको अंग्रेजी अखबार इण्डियन एक्प्रेसले आफ्नो अनलाइन संस्करणमा यो समाचारलाई प्रमुखताका साथ प्रकाशित गरेको छ ।

आइतबार मात्र पूर्वप्रधानमन्त्री एवं एमाले अध्यक्ष केपी ओलीले मुलुकमा हुने विदेशी गतिविधिलाई नजिकबाट नियाल्ने उल्लेख गर्दै आन्तरिक राजनीतिमा हुने अस्वाभाविक चलखेल अस्वीकार्य हुने बताएका थिए ।

ओलीलाई भेट्न एमाले पार्टी मुख्यालय धुम्बाराही नै पुगेका भारतीय राजदूत रञ्जित रेलाई ओलीले मुलुकको आन्तरिक राजनीतिमा हुने अस्वाभाविक चलखेल एमालेका लागि स्वीकार्य नहुने बताएपछि भारतीय मिडियामा तरंग आएको हो ।

ओलीलाई सरकार परिवर्तनमा भारतलाई नमुछ्न आग्रह गरेको र नेपाल–भारत सम्बन्ध सुमधुर बनाउँदै अघि बढ्नुपर्नेमा जोड दिएको स्रोतले उल्लेख गरेको छ ।


आफ्नो सरकार ढाल्नमा भारतको हात रहेको संकेत गरिरहेका ओलीले प्रधानमन्त्रीबाट राजिनामा दिएपछि नेपालमा छौडा नखेलाउन भारतलाई चेतावनी दिएका थिए । उनले शुरु देखि नै भारतविरुद्ध उग्र अभिब्यक्ति दिँदै आएका छन् ।