#

काठमाडौं,१६ साउन । नेपाल सदभावना पार्टीका अध्यक्ष राजेन्द्र महतोले सप्तरीको दशगजामा नेपालीले गरेको आन्दोलन अवस्तुवादी र बेठीक भएको अभिव्यक्ति दिएका छन् । शनिबार हिमालय टेलिभिजनसँगको अन्तर्वातामा महतोले बाँध बाँध्ने क्रममा उल्टो नेपाल सरकारको कमजोरी भएकै कारण सप्तरीको दशगजामा त्यस्तो समस्या आएको बताएका छन् । उनले ७ महिनासम्म नेपालमा भएको नाकाबन्दीलाई ठीक र सप्तरीमा नेपालीले गरेको आन्दोलनलाई बेठीक भनेका छन् । पत्रकारले दशगजामा भएको घटनाबारे जिज्ञासा राख्दा महतोले प्रश्नको उत्तर दिने समयभरि पूरै सप्तरीको दशगजामा नेपाली जनताले गरेको संघर्षलाई अनुचित र भारतले ठीक गरेको जिकिर गरेका छन् ।

 ‘भारतले तटबन्ध बनायो होला र सडक पनि बनायो होला । सडक बनाएपछि पानी त जम्मा भइहाल्छ ।’ महतोले भारतीय पक्षको बचाउन खोज्दै भनेका छन् – ‘डुब्यो त ठिकै छ नि, पानी पर्न छाडेपछि पानी निकास भइहाल्छ र बन्द भइहाल्छ ।

’ सप्तरीको दशगजामा भारतले तटबन्ध बनाउनु उचित भएकोमा महतोले घुमारो पारामा ठीक भएको बताएका छन् । ‘भारतले बाँध बाँध्यो अनि डुब्यो भन्ने गोर्खाली मानसिकता त्याग्नु पर्छ । यही मानसिकताले त डुुबाएको छ ।’ महताले भनेका छन्– ‘सडक बनाएपछि त पानी जमिहाल्छ नि ।’