#

नेपाली पौडीवाज किशोरी गौरिका सिंह ब्राजिलमा जारी रियो ओलिम्पिक्समा सहभागी सबैभन्दा कम उमेरकी प्रतिस्पर्धी बनेकी छिन् । १३ बर्षिया गौरिकाले महिला तर्फ १०० मिटर ब्याकस्ट्रोक पौडी प्रतियोगितामा भाग लिने कार्यक्रम छ ।

यो ओलम्पिक सिजनमा सबैभन्दा चर्चा पाउने विश्वभरका खेलाडीमा गौरिका पनि शीर्ष स्थानमा छिन् । विश्वभरीका सञ्चार माध्यमले गौरिकालाई कान्छी ओलम्पियन भनेर हेडलाइन् समाचार बनाएका छन् ।

तर कतिपय भारतीय मिडियाले भने गौरिका नेपाली नभएर भारतीय भएको भन्ने ढंगले प्रस्तुत गरेका छन् । विश्व सञ्चार माध्यमले हेडलाइन बनाइरहेकी गौरिकालाई भारतीय प्रमाणित गर्न पनि कतिपय भारतीय सञ्चार माध्यम उद्दत देखिएका छन् ।

देउवा हुंकारः पुलिस लगाएर भए पनि …

भारतको एक अनलाइन सञ्चार माध्यमले गौरिका भारतीय किशोरी भएको भन्दै हेडलाइन समाचार बनाएको छ । उक्त सञ्चार माध्यमको समाचार सामग्रीमा उनी नेपाली रहेको भन्ने विश्वभरीका सञ्चार माध्यमले प्रकाशित गरेको सामग्री नै रहेपनि हेडलाइन समाचारमा भने उनलाई भारतीयकोरुपमा प्रस्तुत गरिएको छ ।

विविसीमा गौरिकाको समाचार
गत वर्ष गएको विनाशकारी भूकम्पका बेला राष्ट्रिय प्रतियोगिता खेल्न काठमाडौं आएकी गौरिकाले रियो २०१६ को सञ्चार साइटसँगको कुराकानीमा उक्त भूकम्प एकदमै डरलाग्दो रहेको बताएकी छिन्।

२५ जेठमा सम्पन्न २० औं राष्ट्रिय पौडी प्रतियोगितामा गौरिका सिंह (१२) ले ६ वटा स्वर्णपदक हात पारिन् । लण्डनमा आमाबाबु र भाइसँगै बस्ने गौरिका यही प्रतियोगिताका लागि पढाइ छाडेर अघिल्लो वर्ष नेपाल आएकी हुन् ।


उनले यो वर्ष १ सय तथा २ सय मिटर व्याक स्ट्रोकमा पुरुष खेलाडीको कीर्तिमानी प्रदर्शनलाई समेत उछिनिन् । सिंहले २ सय मिटर व्याक स्ट्रोक २  मिनेट ३७.८७ सेकेन्डमा पार गरिन् भने सय मिटर १ मिनेट १३.१३ सेकेन्डमा । सातामा ८ पटक २ घन्टाका दरले कडा अभ्यास गर्ने यी किशोरीले पहिलो सहभागितामै सातवटा राष्ट्रिय कीर्तिमान कायम गर्दै सातवटा स्वर्णपदक जितेकी हुन् ।