#

अखिल (क्रान्तिकारी)लें भारत र चीनबीच भएको लिपुलेकसम्झौता खारेजीको माग गर्दै नेपालस्थित संयुक्त राष्ट्रसंघको कार्यालयमार्फत राष्ट्रसंघका महासचिव वान कि मुन समक्ष ज्ञापनपत्र बुझाएको छ ।

भारत र चीनबीच लिपुलेक सम्झौता भएको एक वर्ष बितिसक्दा पनि नेपाल सरकारले यस बिचमा चासो नदिइएको भन्दै अनेरास्ववियु (क्रान्तिकारी)ले सोमबार राजधानीको माइतीघरदेखि नेपालस्थित संयुक्त राष्ट्र संघको कार्यालयसम्म प्रदर्शन गरेको छ ।

प्रदर्शनको क्रममा बिद्यार्थीहरुले लिपुलेक सम्झौता खारेज गर, लिपुलेक हाम्रो हो, भारत– चीन खबरदार लगायताका नारा लगाएका थिए । उनीहरुले चीन र भारतबीच नेपाली भूभागमाथि गिद्धे नजरलगाई नहर्नु , लिपुलेक जस्तो संवेदनसिल मुद्धामा सरकारले गम्भिर रुपमा नलिनु चिन्ताको बिषय भन्दै उनीहरुले प्रदर्शन गरेका हुन । नेपालको ७२ भन्दा बढी स्थानमा नेपाली जमिन मिच्दा पनि चुपलागेर बस्नु आम नेपालीका लागि दुखको बिषय भएको क्रन्तिकारीका संयोजक सेवन्तराज भण्डारीले बताए ।

नेपाली भूमि भएको जगजाहेर भएपनि नेपाली भूमिमाथि दुई छिमेकीले अनाधिकृत रुपमा सम्झौता गरेको एक वर्ष बितिसक्दापनि सरकारले कुटनीतिक चासो नदिनु गम्भिर बिषय भएको भण्डारीको भनाइ छ ।