#

२४ साउन, काठमाडौं । सरकारले साउदी अरेबियामा समस्यामा परेका नेपाली कामदरलाई दूतावासमा सम्पर्क गर्न अनुरोध गरेको छ ।परराष्ट्र मन्त्रालयले ट्वीटरमार्फत कुनै सहयोग आवश्यक भएमा रियादस्थित दूतावास र जेद्दामा रहेको नेपाली नियोगमा सम्पर्क गर्न आग्रह गरेको हो । तर, सम्पर्क नम्बर भने मन्त्रालयले सार्वजनिक गरेको छैन ।

यस्तै मन्त्रालयले कामबाट निकालिएका कामदारहरुलाई सहयोग गर्न रियादस्थित दूतावास र जेद्दास्थित कन्सुलेट कार्यालयलाई निर्देशन पनि दिएको छ ।

विहान प्रधानमन्त्री पुष्पकमल दाहाल ‘प्रचण्ड’ ले परराष्ट्र सचिव शंकरदाश बैरागीलाई सम्पर्क गरेर विदशेमा अलपत्र नेपालीहरुको उद्धार जतिसक्दो छिटो गर्न आग्रह गरेका थिए ।

त्यसैअनुसार मन्त्रालयले आफ्ना दूतावास र नियोगहरुलाई अलपत्र कामदार उद्धारका लागि पहल थालेको छ । पछिल्लो समयमा समयमै तलव नपाएर साउदीमा धेरै नेपाली कामदार समस्या भएका छन् ।