त्यसअघि प्रधानमन्त्री ओलीले अपराह्न बालुवाटारमै पार्टी्निकट नेता र मन्त्रीहरूसँग संसद्को सम्बोधन र भावी योजनाका सन्दर्भमा अनौपचारिक समीक्षासहित परामर्श गरेका थिए । उक्त समीक्षामा महासचिव ईश्वर पोखरेल, संसदीय दलका उपनेता सुवास नेम्वाङ, प्रमुख सचेतक भानुभक्त ढकाल, प्रमुख राजनीतिक सल्लाहकार विष्णु रिमाललगायत सहभागी थिए । ओलीले अनौपचारिक छलफलमा पूर्वप्रधानमन्त्रीद्वय झलनाथ खनाल र माधवकुमार नेपाललाई भने निम्त्याएका थिएनन् ।

 समीक्षामा सहभागीहरूले नयाँ सरकार गठनका लागि सरकारले संविधान संशोधनका लागि गरेको बाधा–अड्काउको सिफारिस, प्रधानमन्त्रीको राजीनामा र सम्बोधनलगायत समग्र विषयमा समीक्षा गरेका थिए । प्रधानमन्त्रीको सम्बोधनले सरकार ढाल्न भएको षड्यन्त्रको चिरफार गर्नुका साथै नयाँ बन्ने सरकारलाई गम्भीर चुनौती खडा गरेको विषयमा केन्द्रित रहेर समीक्षा भएको सहभागी एक नेताले बताए । प्रधानमन्त्री ओलीले राष्ट्रिय स्वाधीनता बचाउादै राष्ट्रिय एकता मजबुत बनाउन सकेको, समृद्ध नेपालका लागि आधार निर्माण गर्ने गरी नीति तथा कार्यक्रम र बजेट प्रस्तुत गर्न सकेकोमा खुसी व्यक्त गरेका थिए, बुधबार साप्ताहिकमा खबर छ।