#

भक्तपुर,२२ साउन । नेकपा एमालेका उपमहासचिव एवं पूर्वअर्थमन्त्री बिष्णु पौडेलले केपी ओली नेतृत्वको सरकारले जनता र राष्ट्रको पक्षमा राम्रो काम गरेको देखेर विरोधी पार्टी आत्तिएको दाबी गरेका छन् नेकपा एमाले अनन्तलिङेश्वर नगरपालिका १४ नं कमिटीले शनिबार आयोजना गरेको पार्टी प्रवेश तथा प्रशिक्षण कार्यक्रममा बोल्दै पौड्ले भने, ‘जनताको चाहना अनुसार ओली सरकारले काम गरेकाले विरोधीले आत्तिएर सरकार ढाल्ने खेल गरे ।’

‘कांग्रेस, माओवादी लगायतका पार्टीमा एमालेको लोकप्रियता बढेको देखेर आगामी वर्षदेखि एमाले अपराजित दल हुने भयो भन्ने त्रास देखिएको छ,’ पौडलले भने । आगामी निर्वाचनमा एमाले मुलुकको पहिलो शक्तिको रुपमा उदाउने भन्दै उनले आफ्नो पार्टीले संसदको अंकगणितमा हारे पनि जनातको मनमा सधै रहिरहने बताए ।
पौडेलले ओली नेतृत्वको सरकार जनताको नजरमा नेपालकै अहिलेसम्मकै उत्कृष्ट भएको समेत बताए । ‘ओली सरकारले वृद्धा वृद्ध युवावती तथा हिमाल, पाहाड तराई सबै क्षेत्रका जनताको माग अनुसारको बजेट ल्याएको र काम गरेको थियो, पौड्लले भने ।’

संविधान कार्यान्वयन गर्दै तोकिएको समय सिमाभित्र सबै तहको निर्वाचन गर्नु पर्ने मुख्य चुनौतीलाई पुष्पकमल दाहाल नेतृत्वको सरकार सामु रहेको नेता पौडेलको भनाई छ ।

कार्यक्रममा पूर्व उद्योगमन्त्री महेश बस्नेत, एमाले भक्तपुर अध्यक्ष राजेन्द्र राजथला, क्षेत्रिय सदस्य रविन्द्र सापकोटा लगायतले स्थानियतहको निर्वाचन गरेर विकाश निर्माण कार्यमा तिव्रता दिनु पर्ने धारणा राखेका छन् । उक्त कार्यक्रममा नेपाली कांग्रेस, नेपकिपा, राप्रपा लगायतका दल बाट ३ सय ८२ जना मानिस एमालेमा प्रवेश गरेको वडा कमिटी अध्यक्ष किरण कार्कीले जानकारी दिएका छन् ।