#

नवनिर्वाचित प्रधानमन्त्री पुष्पकमल दाहाल ‘प्रचण्ड’ले सपथग्रहण गर्दा चर्को घाम लागिरहेको थियो !
निर्धारित समय भन्दा आधा घण्टा ढिला भएको सपथ ग्रहण कार्यक्रममा राष्ट्रपति विद्यादेवी भण्डारीले सपथ गराएपछि प्रचण्डलाई बधाई दिनेको ओइरोसँग पानी दर्किएको थियो ।

सबै लाइनमा बसेका थिए । एक्कासी आएको मुसलधारे पानीको कारण सबै टेन्टमा नै बस्न बाध्य भए । कतिपय नेता तथा कार्यकर्ताहरु दर्के पानीमा भिज्दै भएपनि बधाई दिन लाइन बसेका थिए ।

निरन्तर रुपमा पानी परेपछि नेताहरु बधाई दिदै दौडिएका थिए । केही नेतालाई आफ्ना सहयोगीले छाता ओढाएर गाडीसम्म पुर्याए पनि अधिकांश बधाई दिन गएकाहरु पानीमा भिज्दै बाहिरिएका थिए !

कुटनीतिक नियोगका प्रतिनिधिहरुले बधाई दिएपछि सुरुमा अख्तियार दुरुपयोग अनुसन्धान आयोगका प्रमुख लोकमानसिंह कार्कीले प्रधानमन्त्री प्रचण्डलाई बधाई दिएका थिए ।