#

नेपाल विद्युत प्राधिकरण गुल्मी बितरण केन्द्रले जिल्लास्थित नेपाली काँग्रेस र एमाले पार्टी कार्यालयको बत्ती काटेको छ ।

लामो समय देखि विद्युत महसुल नतरेपछि ती कार्यालयहरुको लाइन काटिएको बताइएको छ ।
ऊर्जामन्त्री जनार्दन शर्माको निर्देशन बमोजिम पहिलो चरणमा महसुल नबुझाउने ग्राहकको लाइन काट्न शुरु गरिएको हो ।

एमाले पार्टी कार्यालयले २३ हजार २ सय ४० रुपैयाँ र काँङग्रेस पार्टी कार्यालयले १५ हजार बिद्युत महसुलको बाँकी बक्यौता नबुझाएपछि लाइन काटिएको नेपाल बिद्युत प्राधिकरण गुल्मीले जनाएको छ ।

प्राधिकरणको गुल्मी वितरण केन्द्रले अहिलेसम्म ४० जना ग्राहकको समेत लाइन काटिसकेको जनाएको छ ।
पछिल्लो अभियान अन्तर्गत तीन दिनको अवधिमा काटिएका विद्युत लाईनका ग्राहकहरुबाट असुल गर्नुपर्ने ३ लाख ८७ हजार मध्ये २ लाख ७६ हजार असुल भईसकेको गुल्मी वितरण केन्द्रका प्रमुख दिपक सापकोटाले बताए ।