#

बलिउड अभिनेता अक्षय कुमार बलिउडका अन्य कलाकार भन्दा निक्कै फरक छन् । उनको परिवारले मिडियासँग दुरी कायम राख्छ ।

त्यति मात्र होइन अक्षय कुमारले आफ्ना सन्तानलाई सके सम्म मिडियाको अगाडी पार्नै चाहँदैनन् ।
अक्षय कुमारका छोरा आरव समेत सामाजिक सञ्जालबाट टाढा छन् । उनकी छोरी नितारा पनि मिडियाको अगाडी अहिले सम्म सोझो अनुहार पर्ने गरी देखिएकी छैनन् ।

अक्षय पुत्री नितारको पुरा अनुहार देखिने तस्विर अहिले सम्म मिडियामा सार्वजनिक भएको छैन । जहाँ पुगेपनि अक्षयले आफ्नी छोरीको अनुहार मिडियाको क्यामेराबाट लुकाइदिन्छन । विमानस्थलमा समेत उनले छोरीको अनुहार छोप्छन् ।

कारण यस्तो रहेछ

अक्षय आफ्नो परिवारको निजी जीवनको विषयमा निक्कै संवेदनशील छन् । उनले आफ्नो परिवारका सबै सदस्यको जीवन सार्वजनिक सेलिब्रेटीको जस्तो होस् भन्ने चाहँदैनन् । अर्को कुरा आफ्नो छोरा छोरीको विषयमा अफवाह सहितका समाचार नआउन् भन्नेमा पनि अक्षय सचेत देखिन्छन् ।

आफू सेलिब्रेटी भएपनि आफ्ना छोरा छोरीले निजी जीवन जिउन पाउन् भन्ने चाहानाले अक्षयले यस्तो गरेको बताइन्छ ।