#

काठमाडौं १८ साउन | प्लस टुको कक्षा पूरा नगर्दै आजभोली नेपाली युवायुवती विदेश जाने सपना देख्छन् । ती देशमा गएपछि सबै कुरा बिन्दास हुन्छ भन्ने सोच यसवामा छ । त्यसकारण विदेश जानका लागि उनीहरु जे गर्न पनि तयार हुन्छन् ।

नवलपरासीका युवराज अधिकारी र दाङका विन्दु शर्मा पनि विदेशको सपना देख्ने जोडी थिए । युवराजको अष्ट्रेलियाको भिषा लाग्यो । त्यसपछि उनीहरुले विहे गरेको नक्कली कागजपत्र बनाएर, सोही आधारमा दुवै जना अष्ट्रेलिया गए । अष्ट्रेलियामा कलेज भर्ना भएर पढ्न थाले ।


प्रेमिकालाई डिपेन्डेन्ट भिषामा लिएर अष्ट्रेलिया गएका थिए । तर, अष्ट्रेलिया गएको ३/४ महिनादेखि नै दुवैको जीवनमा अँध्यारा दिन सुरु भए । र, अहिले दुवै जना नेपालकै प्रहरीको हिरासतमा छन् । अष्ट्रेलियामा पुगेर उनीहरसँगै श्रीमान श्रीमतीजस्तै बसे । तर छोटो अवधिमै उनीहरुको प्रेमसम्बन्ध शत्रुतामा बदलियो । नियमित झगडा हुन थालेपछि बिन्दु साथीसँग बस्न थालिन् । युवराजले उनको समेत पासपोर्ट लिएर नेपाल आउ ।

केही समयपछि युवराज फेरी अष्ट्रेलिया गए । आफूबाट गल्ती भएको भन्दै बिन्दुलाई फकाए । फेरी दुवै जना सँगै बस्न थाले । तर फेरी केही समयमै उनीहरुबीच झगडा सुरु भयो ।

जुन झगडाले प्रहरी केस नै भयो । युवराजलाई अष्ट्रेलियन प्रहरीले नेपाल डिपोर्ट गरिदियो । बिन्दुको कारण आफू अष्ट्रेलियाबाट फर्कनु परेको भन्दै उनी क्रुद्व भए । बिन्दुसँग खिचेको गोप्य भिडियो पोर्नसाइटमा हालिदिए ।

नक्कली फेसबुक आईडी बनाएर फेसबुकमा सेयर पनि गरे । सुरुमा बिन्दुले धम्क्याएपछि उनले हटाएका थिए ।

तीन महिना अघि उनले उक्त भिडियो इन्टरनेटमा राखे । उनले थाहा पाएपछि नेपाल आएर महानगरीय प्रहरी अपराध महाशाखामा उजुरी दिइन् । महाशाखाले युवराजलाई गत जेठ २३ गते पक्राउ गर्यो ।

विद्युतीय कारोबार ऐनअनुसार मुद्दा चलाइयो । अदालतले धरौटी माग्यो, धरौटी नतिरी उनी केन्द्रीय कारागार गए । आजको दृष्टि साप्ताहिकमा खबर छ ।