#

चिनियाँ राष्ट्रपतिले आफ्नो सेनालाई युद्ध जित्न तयार हुन आदेश दिएपछि सीमा क्षेत्रमा चीनसँग विवाद रहेका देशहरु तनावमा परेका छन् । छिमेकी भारतले पनि चीनबाट असुरक्षा बढेको भन्दै सैन्य तयारी थालेको छ ।

चीन युद्धको मुडमा देखिएको भन्दै भारतले पनि युद्धको प्रतिरोधात्मक तयारी थालेको भारतीय सञ्चार माध्यमले जनाएका छन् ।

चीनसँगको सीमा सुरक्षा बढाउन भन्दै भारतले सैन्य तैनाथीको ‘चाइना वाल’ बनाउन शुरु गरेको छ । चीनबाट खतरा बढिरहेको भन्दै भारतले सैन्य तैनाथी मात्र नभएर लडाकु विमानको संख्या समेत बढाएको छ ।

टाइम्स अफ इण्डियाका अनुसार भारतले पुर्वोत्तरमा खोजी ड्रोन र मिसाइल पनि तैनाथ गरेको छ । चीनको सीमा क्षेत्र लद्दाखमा ट्याङ्क पनि तैनाथ गरेको छ भने सैनिक जवानको सैख्या बढाएको छ । केही समय अघि मात्र चीनियाँ राष्ट्रपति शी जिनपिङले आफ्नो देशको सेनालाई युद्ध जित्नका लागि तयार रहन आदेश दिएका थिए । युद्ध जित्नका लागि सेना तयारी अवस्थामा रहनु पर्ने र थप मजबुद हुनु पर्ने उनको भनाइ थियो ।

चिनियाँ पिपिल्स लिवरेसन आर्मी पिएलए संसारकै सबैभन्दा ठूलो सेना मानिन्छ । चिनिायँ सेनामा २३ लाख जवान रहेको विश्वास गरिन्छ । चीन संसारको एक मात्र यस्तो देश हो जहाँ सेना पूर्णरुपमा सत्तारुढ दलको नियन्त्रणमा रहन्छ ।


चीन साउथ चाइना सीमा भारत, अमेरिका लगायतका देशले अनावश्यक चासो राखेको भन्दै क्रुद्ध छ । चीनले आफूलाई चारैतिरबाट घेरिरहेको आरोप भारतले लगाउने गरेको छ । सन् १९६२ को युद्धमा कश्मिरको अक्साइ चीनमाथि कब्जा जमाएको थियो । आरुणाचल प्रदेशमा चीन र भारत दुवैले दावी गर्दै आएका छन् । भारत पनि संसारमा धेरै सेना हुने देश मध्ये एक पर्छ । भारतमा १४ लाख सशस्त्र सेना रहेको विश्वास गरिन्छ ।

तथ्याङ्कमा आधारित तुलनाः

वार्षिक रक्षा बजेट

चीनः करिव १५० अर्व डलर अमेरिकी डलर

भारतः करिव ५० अर्व अमेरिकी डलर

मिसाइल

चीनः चीनसँग रहेको DF-31A ICBM अन्तरमहाद्वीपीय बलिस्टिक मिसाइलको रेञ्ज ११२०० किलो मिटर सम्म छ । त्यस्तै JL-2 SLBM नामक सबमरीन लञ्चड बलिस्टिक मिसाइल रेञ्ज- ७२०० किलोमिटर छ ।

भारतः भारतसँग अहिले सम्म ICBM र SLBM मिसाइल नै छैन । भारतसँग रहेको अग्नि मिसाइले ३ हजार किमी रेञ्जमा प्रहार गर्न सक्छ । अग्नि-4 र अग्नि-5 पनि परीक्षणमै छन् ।

परमाणु हतियारको संख्या

चीनः २६०
भारतः १२०

सशस्त्र बलः

चीनः २३ लाख सैनिक

भारतः १४ लाख सैनिक

सबमरीन्स अर्थात पनडुब्बी

चीनः ५६ (५ न्यूक्लियर पावर्ड)

भारतः १४ (१ न्यूक्लियर पावर्ड)

वार हेड अर्थात प्रमुख युद्धपोत

चीनः ७२ (१ एयरक्राफ्ट क्यारियर)

भारतः ३० (१ एयरक्राफ्ट क्यारियर)

लडाकु जेट

चीनः १६०० भन्दा बढी

भारतः ५०० भन्दा बढी