#

नयाँ प्रधानमन्त्री बन्ने निश्चित भएका नेकपा माओवादी केन्द्रका अध्यक्ष पुष्पकमल दाहाल प्रचण्डले कामचलाउ प्रधानमन्त्री केपी शर्मा ओलीले लगाएका आरोपहरुको एक एक खण्डन गरेका छन् ।

यस अघिको सरकारमा आफूहरु ९ महिना सम्म बसेको भन्दै आफूहरुले सरकार गठन देखि गरेको सहयोगलाई नजरअन्दाज नगर्न चेतावनी पनि दिएका छन् ।

उनले ओली सरकारले शुरु गरेका भनिएका विकाशका काम ओली सरकारले शुरु गरेको नभइ पहिले देखि नै शुरु भएका कारण यसलाई अतिरञ्जना नगर्न प्रचण्डले आग्रह गरे ।

विकाशका काम कथा हाले जस्तो नभएको भनेर ओलीमाथि ब्यङ्ग्य गर्दै प्रचण्डले ओलीले भनेका विकाश कहाँबाट पैसा ल्याएर बनाउने हो भन्ने कुरा भनिदिए आफूले त्यसै त्यसै गर्ने बताए । फाष्ट ट्रयाक हामी आफै बनाउने भन्दै प्रचण्डले यसका लागि सहयोग गर्न ओलीलाई आग्रह गरे । चीनसँग रेलमार्ग लगायतका कुरा आफू प्रधानमन्त्री बन्दा देखि नै शुरु भएका कुरा भएका कारण यी सबै काम अघी बढाउन आफू तयार रहेको बताए ।

ओली सरकारले बजेट छुट्टाएका परियोजना सबै अघि बढाउने प्रतिबद्धता ब्यक्त गर्दै प्रचण्डले बजेट नछूट्टाएर बाँढिएका सपना सपनामै मात्र सीमित हुने भन्दै ब्यङ्ग्य गरे ।

प्रचण्डले प्रश्न सोधे, तपाइँले कति बजेट छुट्ट्याएर रेल र जहाजको कुरा गर्नु भएको हो ? कहााबाट पैसा ल्याएर ती परियोजना अघी बढाउने हो ? विदेश बाट माग्ने हो कि देशभित्र पैसा छ ? सपना जनतालका लागि रमाइला र प्रिय दुवै लाग्न सक्छन् तर  बजेट र योजना नभएका सपना सपनामै टुङ्गिन्छन्, तपाइँ मलाई भन्नुस् तपाइँले भनेका विकाश गर्ने आर्थिक श्रोत के हो ? तपाइँ भनिदिनुस् म त्यही अनुसार हु बहु गर्न तयार छू ।

प्रचण्डले अगाडी भने, “केरुङ काठमाडौं, लुम्बिनी रेलको कुरा छ । तर त्यो कहाँबाट पैसा ल्याएर बनाउने हो प्रधानमन्त्री जीले भनिदिनु पर्‍यो” ।

 प्रचण्डले प्रधानमन्त्री ओलीलाई दर्जनौं प्रश्न तेर्स्याउँदा ओलीको मुख रातो देखिएको थियो । निराश मुद्रामा देखिएका ओलीको अनुहार भावविहिन देखिएको थियो ।