#

एजेन्सी । नेपालमा हामिले सतीप्रथाको वारेमा हामिले धेरै कुरा सुनेका छौ । सती प्रथामा श्रीमान्को मृत्युमा श्रीमती पनि चितामा सगैं जल्नुपर्ने हुन्छ । देश अनुसारको भेष भने झै संसारमा अनेकौ नीतिनियम हामीले देख्दै सुन्दै आएका छौं । यस्ता कैयौँ जनजाति समुदाय छन्, जसको रीतिरिवाज, परम्परा र संस्कार सुन्दा अनौठो लाग्छ । यस्तै अनौठो र दर्दनाक परम्परा भएको समुदाय इन्डोनेसियाको पापुआमा बस्ने दानि नामको जनजाति समुदायमा पनि छ ।

यो समुदायमा परिवारको मुख्य सदस्यको मृत्यु भएपछि परिवारका अन्य सदस्यको हातका औँला काटिन्छ । परिवारका महिला, पुरुष र बालबालिका सबैले मूल व्यक्तिको मृत्युको शोकमा बन्चरोले आफ्ना औंला कटाउनुपर्छ । औंला काटेपछि उनीहरूको अनुहारमा माटो र खरानी पोतिन्छ ।

दानि जनजाति समुदायमा मृतकको आत्मालाई शान्ति दिलाउनको हातको औंला काटेर यसरी परिवारका सदस्यहरूलाई पीडा दिइन्छ । यस्तो पीडाले मृतकको आत्मालाई शान्ति दिलाउने यो समुदायका सदस्यहरूको विश्वास छ । काटिएको औँलालाई तीस मिनेटसम्म धागोले बाँधेर राखिन्छ ।

त्यसपछि यसलाई सुकाएर जलाइन्छ । इन्डोनेसिया सरकारले केही वर्षअघि यस्तो परम्परामाथि प्रतिबन्ध लगाएको थियो । प्रतिबन्ध लगाइएपछि औँला काट्ने क्रममा कमी आए पनि पुर्णरुपमा हटाउन भने सकेको छैन ।