#

काठमाडौं, १६ साउन । साउदी अरबमा भारतका १० हजार कामदार विरोजगार हुँदा खाना खाना समेत नपाएर भोकै बस्न बाध्य भएका छन् । भारतीय विदेशमन्त्र सुषमा स्वराजले अरबमा हालै दर्जनौ उद्योगहरु बन्द हुँदा दश हजार आफ्ना भारतीय युवाहरु बेरोजगार भएको र त्यसमा खाद्य संकटका कारण ती आफ्ना युवाहरु भोकै बस्न बाध्य भएको बताएकी छिन् ।

यसभन्दा पहिले जम्मा ८ सय भारतीय कामदार मात्र भोकै बस्न बाध्य थिए । तर त्यसको संख्या बढेर १० हजार पुगेको स्वराजको भनाई रहेको छ । विदेश मन्त्री सुषमाका अनुसार अरबमा भारतीय कामदार मात्र ३० लाख बढी रहेकोमा हालसालै अन्तर्राष्ट्रिय तेल बजारमा आएको संकटका कारण अरबमा रहेका दशौ हजार भारतीय युवाहरु बेरोजगार बन्न पुगेका हुन् ।

अरबमा भोकै बस्न बाध्य भएका भारतीय युवाहरुलाई १५ हजार किलो खानपिनका सामानको व्यवस्थागर्न विदेशमन्त्री स्वराजले अरबमा रहेको भारतीय दुतावासलाई निर्देशनसमेत दिएकी छिन् । भारत यस्तो मुलुक हो जहाँ पछिल्लो तथ्यांकअनुसार ४० करोडको हारहारीमा युवाहरु बेरोजगार छन् ।