#

माओवादी केन्द्रमा ए, बी, सी, प्रकरण चर्किएको छ । मन्त्री हुन मारामार भएको छ । ए समूहमा पूर्व एमाओवादीहरू, बी समूहमा वैद्यबाट आएकाहरू, सी समूहमा तिलक परियार, मातृका यादव र मणि थापाहरू पारिएका छन ।

राणाहरूले जस्तै माओवादी केन्द्रमा यतिबेला ए, बी, सी वर्गमा विभाजिन गर्न थालिएको छ । यसमा बादलहरूको चर्को मतभेद रहेको बताइन्छ । आगामी सरकारको नेतृत्व गर्न लागेको नेकपा माओवादी केन्द्रमा मन्त्रीका आकांक्षी बढेपछि नेतृत्व गम्भीर संकटमा परेको छ ।

पार्टीबाट मन्त्री चयनका लागि हुने गरेका अनौपचारिक छलफलमा आफू पक्षधरलाई महत्वपूर्ण मन्त्रालयसहित मन्त्री बनाउने होडबाजी चलेपछि अध्यक्ष प्रचण्ड सरकारको नेतृत्व नगर्दै संकटमा परेका छ । अध्यक्ष प्रचण्डले ओली नेतृत्वको सरकारमा सहभागी तीनजना मन्त्रीलाई दोहोर्यातएर अन्य नयाँ अनुहारसहितको मन्त्रिमण्डल बनाउने तयारी थाले पनि तीनजनामा पनि को(को जाने भन्ने विवाद देखिएको छ ।

पुराना तीनजनामा विवाद बढेपछि नयाँ अनुहारमात्र माओवादीबाट मन्त्री बन्ने सम्भावना समेत बढेर गएको छ । स्रोतका अनुसार ओली सरकारका शिक्षामन्त्री गिरिराजमणि पोख्रेल, सामान्य प्रशासन मन्त्री रेखा शर्मा र वनमन्त्री अग्नि सापकोटाको नाम चर्चामा छ ।

 उनीहरुले राम्रो काम गरेकाले पुनः मन्त्री बनाउने दाहालको योजना छ । माओवादी केन्द्रबाट सरकारमा सहभागी हुने र ओली नेतृत्वको सरकारबाट नहोदोरिने नेताहरुमा जनार्दन शर्मा, कृष्णबहादुर महरा, राम कार्की, प्रभु शाह, हितराज पाण्डे, महेन्द्रबहादुर शाही, टेकबहादुर बस्नेत, गौरीशंकर चौधरी, सीता नेपाली लगायतको नाम चर्चामा छ ।

माओवादी केन्द्रमा अहिले कृष्णबहादुर महरा, वर्षामान पुन ‘अनन्त’ र जनार्दन शर्मा ‘प्रभाकर’ हावी भएका छन् । माओवादी केन्द्रमा मन्त्री बन्न आकांक्षीहरुको लामो सूची रहेको बताइएको छ ।