#

नेपालका फिल्म मेकर अनिल न्यौपानेको सर्ट मुभीको भिडियो स्क्रिप्ट कपी गरेको आरोप लागेका भारतीय चलचित्र निर्माता शिरिष कुन्दरले नेपालीहरुलाई अनावश्यक देशभक्तिले भ्रमित पारेको टिप्पणी गरेका छन् ।

आफ्नो चलचित्र कृतिमाथि नेपालका अनिल न्यौपानेको ‘बब’ नाामक सर्ट मुभी कपी गरेको आरोप लागेपछि शिरिष कुन्दरले नेपालीमाथि यस्तो आरोप लगाएका हुन् ।

शिरिष कुन्दर बिरुद्ध युट्युबमा उजुरी गरेपछि शिरिषको चलचित्र कृतीलाई युट्युबले प्रतिबन्धित गरेको छ । कपी राइट इस्युका कारण उनको भिडियो अहिले नचल्ने भएको हो ।

अनिल न्यौपानेको दावी झुटो रहेको दावी गर्दै शिरिषले नेपालीहरु देशभक्तिका कारण रिसाएको र यसले भ्रम पैदा भएको दावी समेत गरेका छन् ।

भिडियो हेर्नुस् पत्रकार सम्मेलनमा उक्त चलचित्रमा अभिनय गरेका चर्चित कलाकार मनोज बाजपेयी पनि नेपालीमाथि खनिए । कृति–बब प्रकरणमा नेपाल र भारतबीच झगडा गराउने प्रयास भैरहेको उनको दावी थियो ।

अनिलको दावीपछि नेपालीहरुमाथि ब्यङ्ग्य गर्दै उक्त फिल्मका क्रु मेम्बरले भने, ‘केही व्यक्ति विवाहको भिडियो खिच्ने शैलीमा ह्यान्डीक्याम लिएर चलचित्र बनाउँछन् अनि युट्युवमा हाल्छन्’ ।

शिरिषले अहिले राखेको भिडियोलाई वर्षौं अघी राखेको भनेर झुट बोल्न सकिने दावी गर्दै आफ्नो केसमा पनि त्यही भएको दावी गरे ।

शरिषको मुभी यूट्यूवमा हेरेपछि अनिलले फेसबुकमा लेखेका थिए ‘म कृती हेर्दै थिएँ अगाडीका केही दृश्यहरु मिलेको जस्तो लाग्यो र सोचे यो संयोग मात्र हो तर बिस्तारै कथा बढ्दै जाँदा छक्क परें , पुरै कथा मिल्छ।’ अनिलले आफुले न्याय खोजेको बताएका छन्।

शिरिष कुन्दर बलिउडकी चर्चीत कोरियोग्राफर फराह खानका श्रीमान हुन्। उनलाई यस अघि बलिउड सेलिब्रेटी शाहरुख खानले झापड हानेको समाचार आएको थियो । उनी यसै पनि अलोकप्रिय र काम नलाग्ने निर्माता निर्देशककोरुपमा बलिउडमा बदनाम छन् । तर कृतिबाट वाही वाही पाएका उनलाई अनिलको कपीराइट दावीले झनै विवाद र बदनाममा पारिदिएको छ ।